İcra başçısının bacısı qəzaya düşdü - Bakıya vertolyotla gətirildi

Zərdab Rayon İcra Hakimiyyətinin başçısı Lütfəli Babayevin ailəsində bədbəxt hadisə baş verib. Avtosfer.az aznews.az-a istinadən xəbər verir ki, icra başçısının Kamilə adlı bacısı Ucar rayonu ərazisində ağır yol qəzası keçirib. "Toyota" markalı avtomobillə qəzaya düşən maşında K.Babayeva ilə yanaşı, yeznəsi və qızı da olub. Yaralılar xüsusi vertolyotla Bakıya gətiriliblər. Gömrük Hospitalına yerləşdirilən icra başçısının bacısının vəziyyəti çox kritik qiymətləndirilir.

Hazırda icra başçısı və ailə üzvləri xəstəxanadadırlar.

Zərdab Rayon İcra Hakimiyyətinin başçısı Lütfəli Babayev ailəsində baş verən bədbəxt hadisədən danışıb. A, aznews.az-a açıqlamasında hazırda xəstəxanada olduğunu deyib: “Qəza zamanı nəvələrim də maşında olub. Lakin onların vəziyyəti yaxşıdır. Hazırda evdədirlər. Yeznəm də müayinə olunub, hazırda palatadadır, vəziyyəti normaldır. Bacımın vəziyyəti də düzəlmək üzrədir, qolundan əməliyyat olunub”.