İki ay ərzində dəmir yolu ilə yük daşınmasında 29,2 faiz artım olub

Dəmir yolu nəqliyyatı ilə 2017-cı ilin yanvar-fevral ayında 2,9 milyon ton yük, 389,4 min sərnişin daşınıb. Avtosfer.az xəbər verir ki, Dövlət Statistika Komitəsinin mətbuat xidmətindən verilən məlumata görə, 2016-ci ilin eyni dövrü ilə müqayisədə yük daşınmasında 29,2 faiz, sərnişin daşınmasında isə 38,4 faiz artım müşahidə olunub. Orta hesabla sutkada 369 vaqon yüklənib, 449 vaqon isə boşaldılıb. Sutka ərzində dəmir yolunun Şimal istiqaməti üzrə 14,4 min ton, Qərb istiqaməti üzrə 4,9 min ton, Cənub istiqaməti üzrə isə 1,2 min ton yüklənmə işi yerinə yetirilib.