İki ərəbin ölümünə səbəb olan taksi sürücüsünün məhkəməsi başlayıb

Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Elçin Məmmədovun cinayət işi üzrə məhkəmənin hazırlıq iclası keçirilib. Avtosfer.az-ın APA-ya istinadən xəbərinə görə, iclasda təqsirləndirilən şəxsin anket məlumatları dəqiqləşdirilib. Məhkəmə baxışı fevralın 7-nə təyin edilib. Qeyd edək ki, 2016-cı ilin noyabrında Qaradağ rayonunda Abıyev Rasim Şöhrət oğlunun idarə etdiyi avtomobillə Elçin Məmmədovun idarə etdiyi maşın toqquşub. Nəticədə E. Məmmədovun maşınında olan sərnişinlər, Birləşmiş Ərəb Əmirliyi vətəndaşları - Suhail Saeed Rashed Saeed Almeqbal və Lamees Ziad Mahmoud Jbarah aldığı xəsarətlərdən ölüb.  E.Məmmədov həbs edilib. Onun taksi sürücüsü olduğu müəyyənləşib.