İki ev, iki maşın yandı

Ötən gün axşam saatlarında bir neçə yanğın hadisəsi qeydə alınıb. Avtosfer.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakı şəhəri, Suraxanı rayonunda vətəndaşa məxsus həyətyanı sahədə tikilmiş ümumi sahəsi 10 m2 olan mətbəxin yanar konstruksiyaları yanıb. Yaxınlıqdakı tikililər yanğından mühafizə olunub.

Naftalan şəhərində vətəndaşa məxsus "KAMAZ" markalı, xüsusi təyinatlı avtoqaldırıcının salon hissəsi qismən yanıb. Avtomobilin qalan hissəsi yanğından mühafizə olunub.  

Sabirabad rayonu, Moranlı kəndində vətəndaşa məxsus ümumi sahəsi 130 m2 olan birmərtəbəli 3 otaqlı evin dam örtüyünün yanar konstruksiyaları, bir otağının döşəməsi 15 m2 sahədə yanmışdır və evə bitişik ümumi sahəsi 40 m2 olan lambirdən ibarət talvar əriyib. Yaxınlıqdakı tikililər yanğından mühafizə olunub.

Saatlı rayonu, Qıraqlı kəndində vətəndaşa məxsus "QAZ" markalı minik avtomobilinin mühərrik hissəsində elektrik avadanlıqları və salonu yanıb. Avtomobilin qalan hissəsi yanğından mühafizə olunub.  

Nurlan