İki futbolçu avtomobil qəzasında öldü - FOTO

Dünya futbolunda daha bir bədbəxt hadisə baş verib. Avtosfer.az 1xəbər.com-a istinadən bildirir ki, Sloveniyanın "Maribor" klubunun 4 futbolçusu avtomobil qəzasına uğrayıb. Faciəvi hadisə onlar məşqdən qayıdarkən baş verib. Yerli mətbuatın yazdığına görə, oyunçuların olduğu maşın işıqfora çırpılıb. Nəticədə avtomobil 2 hissəyə parçalanıb.

Qəzada "Maribor"un 21 yaşlı serbiyalı hücumçusu Zoran Balyak və 20 yaşlı sloveniyalı müdafiəçi Damyan Maryanoviç həlak olublar. 19 yaşlı serb qapıçı Lyubomir Moravats ciddi xəsarət aldığı halda, 19 yaşlı sloveniyalı müdafiəçi Jiqa Lipuşçek qəzadan salamat qurtulub.