İki nəfərin avtomobilinə atəş açan şəxs TUTULDU

Azərbaycanda iki nəfərinin avtomobilini atəşə tutan şəxs saxlanılıb. Avtosfer.az xəbər verir ki, bu barədə Daxili İşlər Nazirliyinin mətbuat xidmətindən verilən məlumata görə, Kürdəmir Rayon Polis Şöbəsi əməkdaşları tərəfindən ötən il dekabrın 2-də rayon sakini Sahib Xəlilovun idarə etdiyi “Mercedes” markalı avtomobilə tüfəngdən atəş açmaqda şübhəli bilinən Şüşün kənd sakini Baxış Sadıqov tutulub və hadisə törədilərkən istifadə edilən “TOZ-34” markalı tüfəng götürülüb. Araşdırmalar zamanı həmin gün B.Sadıqovun tüfəngdən atəş açaraq Abşeron rayon sakini Xəqani Məmmədovun idarə etdiyi “Toyota” markalı avtomobilin şüşəsini sındırması da müəyyənləşib.