İki prospektdə rənglənmə işləri aparılacaq

"Azəravtoyol" ASC tərəfindən Bakı şəhərində avtonəqliyyat vasitələrinin hərəkətinin tənzimlənməsi məqsədi ilə piyada keçidləri, yolcizgi və yolgöstərici xətlərin yenidən rənglənməsi işləri aparılacaq. "Azəravtoyol"un Mətbuat Katibliyindən Avtosfer.az-a verilən xəbərə görə, rənglənmə işləri bu axşam saat 22:00-dan etibarən Yasamal rayonu Hüseyn Cavid prospekti, Hüseyn Cavid parkının ətrafı və Tbilisi prospektində aparılacaq. Rənglənmə işləri səhər saatlarınadək yekunlaşdırılacaq. "Azəravtoyol" sürücülərdən sözügedən ərazilərdə diqqətli olmalarını xahiş edir.

Fərid