İki rayonu birləşdirən avtomobil yolunda TƏHLÜKƏ

Cəlilabad - Yardımlı avtomobil yolunda yenidən təhlükəli vəziyyət yaranıb. Avtosfer.az-ın istipress-ə istinadən məlumatına görə, yolun Musalı və Ləkin kəndlərindən keçən hissəsində intensiv torpaq sürüşməsi nəqliyyat vastələrinin hərəkətini çətinləşdirib. Bu baradə yerli sakinlər məlumat veriblər. Hər gün bir neçə kəndin mütəmadi istifadə etdiyi yol baş verən sürüşmə nəticəsində tədricən sıradan çıxır. Artıq qabaqlayıcı tədbirlərin də faydası yoxdur. Bir gün ərzində topaqla dolduran ərazi bir sutka sonra yenidən sürüşməyə məruz qalaraq sıradan çıxır. Qeyd edək ki, Cəlilabad - Yardımlı avtomobil yolu aktiv sürüşmə zonasından keçir. Mütəmadi olaraq yolun müxtəlif hissələrində torpaq sürüşməsi nəticəsində yolun yataq hissəsi sıradan çıxıb.