İki sərnişin təyyarəsi məcburi eniş edib

Avstraliyada bir gündə “Qantas” aviaşirkətinə məxsus iki sərnişin təyyarəsi məcburi eniş edib. Avtosfer.az-ın APA-ya istinadən məlumatına görə, bu barədə “The Sydney Morning Herald” xəbər verib. Məlumata görə, Sidney aeroportundan havaya qalxan, Cənubi Afrika Respublikasının Yohannesburq şəhəri və ABŞ-ın Dallas şəhərinə uçan təyyarələr hava limanına geri dönməyə məcbur olublar. Məlumata görə, CAR-a uçan “Boeing 747”-də pilotların kabinəsində şüşə çatlayıb, ABŞ-a uçan “Airbus А380”-in isə şassisi bağlanmayıb. Hər iki insident nəticəsində zərərçəkən olmayıb. Sərnişinlər digər təyyarələr ilə Yohannesburq və Dallasa göndəriləcək.