İki təyyarə Yakutsk aeroportuna eniş edib - Texniki nasazlığa görə

Rusiyanın Yakutsk şəhərinin hava limanına texniki nasazlıqla əlaqədar olaraq iki təyyarə eniş edib. Avtosfer.az "Report"a istinadən xəbər verir ki, 423 nömrəli reyslə, Yakutsk-Baqatay marşrutu ilə uçan "Bombardier Q 400" təyyarəsi texniki nasazlıq səbəbindən hava limanına qayıtmağa məcbur olub.

Göyərtəsində 64 sərnişinin və 2 ekipaj üzvünün olduğu təyyarə yerli vaxtla saat 09:57-də hava limanına eniş edib. Ehtiyat təyyarənin yerli vaxtla saat 13:30-da səmaya qalxacağı bildirilir. 

Yakutsk-Ust-Nera –Moma marşrutu ilə uçan 417 nömrəli reys təyyarəsi də hava limanına qayıdıb. Buna səbəb təyyarənin sağ mühərrikində nasazlığın yaranması olub. Təyyarənin göyərtəsində 19 sərnişin və 4 ekipaj üzvü olub.

Hər iki nasazlığın səbəblərini xüsusi komissiya araşdırır.