İlham Əliyev: “Azərbaycanda ikinci avtomobil zavodu tikilir”

“Özbəkistanın avtomobil sənayesində əldə etdiyi təcrübə bu gün Azərbaycana da ötürülür”.

Avtosfer.az APA-ya istinadla xəbər verir ki, bunu Azərbaycan Respublikası və Özbəkistan Respublikası Ali Dövlətlərarası Şuranın üçüncü iclasında Prezident İlham Əliyev bildirib.

“Ölkənizin avtomobil sənayesində əldə etdiyi təcrübə bu gün Azərbaycana da ötürülür. İlk layihə artıq reallaşdırılıb, hazırda isə söhbət tam istehsal dövrünün yaradılmasından gedir. Hacıqabulda 80 milyon dollardan çox investisiya qoyulması nəzərdə tutulur. Hazırda ikinci zavod da tikilir və bu müəssisənin ölkəmizin avtomobil sənayesinin inkişafına ciddi təkan verəcəyi gözlənilir”, - deyə dövlət başçısı qeyd edib.