İlin əvvəlindən avtobus və taksi ilə daşınan sərnişinlərin sayı açıqlanıb

Cari ilin yanvar-may aylarında nəqliyyat sektorunda daşımaların həcminə görə ən böyük paya malik olan avtomobil nəqliyyatı ilə 52,9 milyon ton yük, 656,1 milyon sərnişin daşınıb. Dövlət Statistika Komitəsindən Avtosfer.az-a verilən məlumata görə, bununla da əvvəlki ilin eyni dövrü ilə müqayisədə müvafiq olaraq 2,8% və 2,5% artım qeydə alınıb.

Sərnişinlərin 96%-i (629,856 milyon nəfər) avtobus, 4%-i (26,244 milyon nəfər) isə minik taksilərinin xidmətlərindən istifadə edib.

Bundan başqa, avtomobil nəqliyyatı ilə qeyd olunan dövrdə daşınan yük dövriyyəsi 2,8%, sərnişin dövriyyəsi isə 2,5% artıb.

Qeyd edək ki, ümumilikdə qeyd edilən ərzində nəqliyyat sektorunda sərnişindaşımaların 87,6%-i, yükdaşımaların isə 61,8%-i avtomobil nəqliyyatının payına düşür.