İmişlidə yüklə dolu `Kamaz` oğurlanıb - VİDEO

İmişli rayonunda yüklə dolu "Kamaz" oğurlanıb. Avtosfer.az arbtv-yə istinadən xəbər verir ki, hadisə, gecə rayonun Daş bazarı adı ilə tanınan ərazisində qeydə alınıb. Sürücülər bazara gələn zaman daş yüklənmiş “Kamaz” markalı nəqliyyat vasitələrindən birinin oğrulandığını, digər avtomobillərə isə müdaxilə olunduğunu görüblər. Ümumi mənzərə göstərib ki, oğrular o biri avtomobilləri oğurlamağa macal tapmayıblar.

Aparılan yük maşınını axtarmağa başlayan sürücülər nəhayət ki, onu yol kənarında aşkarlayıblar. Lakin içərisindəki 900-ə yaxın mişar daşının oğurlandığının şahidi olublar. Hadisə barədə polisə məlumat verilib.

Hakim Cavadov - Sürücü: "Oğlum tezdən gəldi ki, daş bazarına gedirəm. Daha sonra səng edib dedi ki, ata maşın oğurlanıb. Mən özüm də gəlib gördüm ki, həqiqətən maşın yoxdur. Polisə zəng etdik. Kamerayla baxdıq amma başı bağlı idi deyə tanımadıq". 

Hazırda polis tərəfindən faktla bağlı araşdırma aparılır.