İran güzəştə getməsə, heç bir razılaşma olmayacaq - Tramp

"ABŞ və İran bir çox şeydə razılaşıb, amma onlar nüvə proqramı üzrə şərtlərimizi qəbul etməyib".

Avtosfer.az Teleqraf-a istinadən xəbər verir ki, bu sözləri ABŞ Prezidenti Donald Tramp deyib.

O qeyd edib ki, ABŞ və İran bir çox şeydə razılaşıb, amma onlar buna razı olmayıblar.

“Düşünürəm ki, onlar buna da razılaşacaqlar. Demək olar ki, buna əminəm. Əgər onlar razılaşmasalar, heç bir razılaşma olmayacaq. İranın nüvə silahı olmayacaq”.

ABŞ lideri əlavə edib ki, bu gün səhər ona İranın razılığa gəlmək istədiyinə dair məlumat verilib: "Atəşkəs bitəndən sonra əvvəlki təhdidlərin davam edib-etməyəcəyindən danışmaq istəmirən. Mən bu barədə şərh vermək istəmirəm, amma bu, onlar üçün xoş olmayacaq. ABŞ dünya ölkələrinin şantaj edilməsinə icazə verə bilməz. Biz Hörmüz boğazından istifadə etmirik. Bizim ehtiyac duyduğumuzdan daha çox öz neftimiz və qazımız var. Amma dünyanın buna ehtiyacı var”.