İranda mütləq temperatur rekordu qeydə alınıb

İranda iyunun 29-da temperatur rekordu qeydə alınıb. Avtosfer.az "Report"a istinadən xəbər verir ki, hava 53,7° C-yə qədər qızıb və bu, ölkə üçün mütləq rekord olub. Belə qızmar temperatur ölkənin cənub-qərbində yerləşən Əhvaz şəhərində qeydə alınıb.

"Meteo France" xidmətinin meteoroloqu Etyen Kapikyanın sözlərinə görə, bu, həm də iyun ayında Asiyada qeydə alınan ən yüksək tempraturdur. "USA Today"in informasiyasına görə, havanın rütubətliliyini nəzərə almaqla Əhvazda temperatur daha yüksək - 61,1° C olub. Qeyd edək ki, İranda əvvəlki temperatur rekordu 53° C təşkil edib.