İranda qəzaya uğramış sərnişin təyyarəsinin qalıqları tapılıb - VİDEO

İran dağlarında dünən göyərtəsində 66 nəfərin olduğu və qəzaya uğramış sərnişin təyyarəsinin qalıqları aşkar edilib. "Report" "Press TV"yə istinadən xəbər verir ki, Tehran-Yasuc reysi üzrə uçuş həyata keçirən təyyarənin qalıqları İsfahan ostanının Səmirom bölgəsinin Dəngözlü və Noqol kəndləri yaxınlığında tapılıb. Qalıqları axtarmaq üçün 26 alpinist qrupu cəlb edilib. Yaxşı hava şəraiti helikopterlərin və dronların da axtarışda iştirak etməsinə imkan verib və onlar hündürlüyü 4 min metrdən artıq olan 100-dən çox dağ zirvəsini yoxlayıb.