İranın aldığı ilk "Airbus" Tehrana gətirildi

"İran Air" aviaşirkəti hava sanksiyalarının qaldırılmasının ardından ilk dəfə "Airbus" alıb. Avtosfer.az "Report"a istinadən xəbər verir ki, 189 sərnişin daşıyan "A321" markalı təyyarə bu gün Tehrana gətirilib. Qeyd edək ki, sanksiyaların aradan qaldırılmasından sonra Tehranda İran hökuməti və nəhəng aviaistehsalçılar - "Boeing" və "Airbus" şirkətləri arasında müqavilələr imzalanıb. Sənədə əsasən, İran tərəfi 80 ədəd "Boeing", 100 ədəd "Airbus" hava gəmisi alacaq.