İranın daha bir aviaşirkəti “Boeing” təyyarələri sifariş edib

Tehranda ABŞ-ın “Boeing” və İranın “Aseman” aviaşirkəti arasında “Boeing-737 Max” tipli 60 yeni təyyarənin alınmasına dair saziş imzalanıb. Avtosfer.az-ın APA-ya istinadən məlumatına görə, bundan öncə İran Aviasiya Şirkəti (“İran Air”) “Boeing”dən 80 yeni təyyarə alacağına dair sənəd imzalayıb. Bu təyyarələr “İran Air” aviaşirkətinə 2018-ci ildə təhvil veriləcək. Qeyd edək ki, “Aseman”la “Boeing” arasında danışıqlar 1 il davam edib. İmzalanmış müqaviləyə əsasən “Boeing” təyyarələri 2019-cu ildən etibarən “Aseman” şirkətinə təhvil verəcək. İmzalanmış müqaviləyə əsasən, “Boeing” qarşı tərəfə texniki dəstək də verəcək.