İŞİD-in kamikadze-avtomobili belə məhv edildi – VİDEO

Fransız hərbçiləri İŞİD terror qruplaşmasının partlayıcı ilə yüklənmiş avtomobilini məhv ediblər. Avtosfer.az Oxu.az-a istinadən xəbər verir ki, kadrlarda avtomobilin tam sürətlə qumbaraatan və avtomatlardan atəş açan hərbçilərin mövqeyinə yaxınlaşdığı görünür. Avtomobil yaxınlaşdıqda raketlərdən biri ona tuş gəlir və parça-parça olur. Britaniya KİV-də bu video aprelin 29-da dərc edilib, amma hadisə 2016-cı ildə baş verib. Fransız mətbuatında bu video ölkənin quru qoşunlarının Suriyada iştirakını sübut edən təkzibedilməz fakt hesab edilir.