İsmayıllı-Muğanlı yolu buz bağladı, hərəkət iflic oldu - VİDEO

İsmayıllıya yağan qar İsmayıllı-Muğanlı yolunda nəqliyyatın hərəkətində müəyyən çətinliklər yaradıb. Qarla birlikdə dumanlı hava şəraitinin olması yolda təhlükəli vəziyyət əmələ gətirib. Gecə saatlarında isə yollar buz bağlayıb. 9 nömrəli "İsmayıllı Yol İstismar" idarəsinin canlı qüvvəsi və ağır texnikaları əraziyə cəlb olunub. Bundan əlavə rayonun bəzi kəndlərinə gedən yollar da buz bagladığından hərəkət məhdudlaşıb. Gecə saatlarında asfalt örtüyünün yenidən buz baglama ehtimalı var. Ona görə də sürücülərdən ehtiyatlı olmaları tövsiyyə olunur.