İsrail qırıcıları Livanın hava məkanını pozub

İsrail Hərbi Hava Qüvvələrinin qırıcıları bazar günü Cənubi Livan səmasında görünüblər və Sayda şəhərinə qədər (Beyrutun 40 kilometrliyində) uçuş ediblər. "Report" TASS-a istinadən xəbər verir ki, bu barədə "Daily Star" qəzeti məlumat yayıb. Reaktiv təyyarələr aşağı yüksəklikdə, sanki hücum edirlərmiş kimi bir sıra yaşayış məntəqələri və fələstinli qaçqınların qaldıqları düşərgələr üzərindən keçiblər.

Nəşrin məlumatına görə, qırıcı təyyarələrin manevri yerli sakinlər arasında təşvişə səbəb olub.