İstanbul-Gəncə-İstanbul aviareysi təxirə düşdü

Bu gün baş tutacaq İstanbul-Gəncə-İstanbul aviareysi təxirə salınıb. APA-nın verdiyi məlumata görə, Türkiyədə dövlət çevrilişinə cəhd, İstanbulda vəziyyətin gərgin olması səbəbindən bu gün səhər saatlarında İstanbuldan Gəncəyə nəzərdə tutulan aviareysin təxirə salındığı açıqlanıb. Gəncədən İstanbula getmək istəyən 40-a yaxın sərnişinə uçuşu başqa vaxta keçirildiyi bildirilib.

Qeyd edək ki, səhər saatlarında İstanbuldan Gəncəyə gəlməli olan təyyarə səhər saat 08. 30-da geri qayıtmalı idi. Türk Hava Yollarının Gəncə nümayəndəliyindən bildirilib ki, növbəti uçuş bazar ertəsi olacaq.