![Sosial şəbəkələrdə saxta telefon nömrələri satılır - XƏBƏRDARLIQ](/upload/news/small/2325374.jpg)
İstanbulda nə baş verir? - Körpülər bağlanıb -YENİLƏNİB - VİDEO
Gündəm
16 İyul 2016 00:28
Oxunub 1244
![İstanbulda nə baş verir? - Körpülər bağlanıb -YENİLƏNİB - VİDEO](/upload/news/7d6deb.jpg)
Boğaziçi və Fatih Sultan Mehmet körpülərində maşınların giriş-çıxışı qadağan edilib
Türkiyənin İstanbul şəhərində körpülər bağlanıb. “Qafqazinfo” haberturk-ə istinadən xəbər verir ki, Boğaziçi və Fatih Sultan Mehmet körpülərində maşınların giriş-çıxışı qadağan edilib. Körpülər üzərində uzun tıxaclar yaransa da rəsmi şəxslər bununla bağlı hələ ki, heç bir açıqlama verməyiblər. Videolardan mühafizə işlərinə əsgərlərin cəlb edildiyi görünür. Türkiyə vətəndaşlarının sosial şəbəkələrdə yaydıqları məlumatlara görə, Ankarada da döyüş təyyarələri alçaq uçuşlar həyata keçirirlər.
Ankarada silah səsləri eşidilir. Küçələrdə, körpülərdə keşik çəkən polislər vətəndaşlara evlərinə qayıtmağı, yollara çıxmamağı tövsiyyə edirlər. Türkiyə Baş naziri Binəli Yıldırım məsələ ilə bağlı ilk açıqlamasını verib. O, NTV telekanalına qısa çıxışında bildirib ki, ilkin ehtimala görə, ölkədəki bu hadisə hərbi çevrilişə cəhd kimi qimətləndirilir. Yıldırım qeyd edib ki, Türkiyənin hazırkı hökuməti xalqın istəyi ilə seçilib və heç kəs demokratiyanın işinə kölgə sala bilməz.
ŞƏRH YAZ
DİGƏR XƏBƏRLƏR