İstanbuldakı hücumun hədəfi polis avtobusu idi

İstanbulda hücumun hədəfi polis avtobusu idi. "Report" "NTV" telekanalına istinadən xəbər verir ki, bu sözləri Türkiyənin daxili işlər naziri Süleyman Soylu deyib. O, bildirib ki, naməlum şəxslər futbol komandalarının oyununun keçirildiyi stadionun yanında partlayıcı qurğunu avtomobildən atıblar. "Bu polisin avtobusuna hücum idi", - deyə o əlavə edib. Partlayış zamanı ölənlər haqqında məlumat yoxdur. Qeyd edək ki, İstanbulda baş vermiş partlayış nəticəsində 20 nəfər xəsarət alıb.