İtən sualtı qayığın ekipajının xilas edilməsi üzrə əməliyyatı dayandırıb

Argentina hökuməti itən "San Xuan" sualtı qayığının ekipajının xilas edilməsi üzrə əməliyyatı dayandırıb. Avtosfer.az "Report"a istinadən xəbər verir ki, bu barədə Argentinanın Hərbi Dəniz Qüvvələrinin rəsmi nümayəndəsi Enrike Balbi məlumat verib. Onun sözlərinə görə, ekipajın xilas edilməsi üçün təyin olunan günlərdən iki dəfədən çox zaman keçib. Xilasedicilər itkin düşən sualtı qayığın dənizin dibindəki axtarışlarını davam etdirir. Qeyd edək ki, sualtı qayıq noyabrın 15-dən əlaqəyə çıxmır. Onun göyərtəsində 44 nəfər olub.