İtkin düşən balıqçıların meyiti tapıldı

Bakı şəhərinin Pirallahı rayonu ərazisindən balıq tutmaq məqsədilə qayıqla dənizə çıxmış 2 balıqçının - Hüseynzadə Fikrət Hikmət oğlu və Qurbanov Sehran Gülbala oğlunun axtarışları davam edir. Avtosfer.az-ın FHN-nin saytına istinadən verdiyi məlumata görə, axtarışa  Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb olunub.

FHN-dən verilən məlumata görə, vətəndaşlardan birinin meyiti Dövlət Neft Şirkətinin “Orion” gəmisi tərəfindən aşkarlanaraq sudan çıxarılıb. İtkin düşmüş digər şəxsin axtarışları davam etdirilir.

FHN-dən o da bildirilib ki, axtarışlar nəticəsində digər balıqçının da meyiti tapılıb. Hər iki balıqçının meyiti aidiyyəti üzrə təhvil verilib.

Orxan