İtmiş sualtı qayıqda 44 nəfərin olduğu müəyyən edilib

Argentinanın "San-Xuan" sualtı qayığının göyərtəsində 37 əvəzinə 44 nəfər olub. Avtosfer.az “Report”a istinadən xəbər verir ki, bunu gəmi zabitlərindən birinin kiçik qardaşı deyib. Onun sözlərinə görə, əlavə 7 nəfər gəminin heyət üzvlərinə daxil olmayıb. Onların arasında Argentina Hərbi Dənzi Qüvvələrinin "Buzos Tacticos" taktiki dalğıc qrupunun üzvləri və donanma kəşfiyyatının əməkdaşı olub. Dənizçinin qardaşı bu məlumatı kəşfiyyatçının həyat yoldaşından alıb.