“Kamaz” çaya düşdü - 2 nəfər suda boğuldu - FOTOLAR

Bu gün axşam saat 21 radələrində Ələt-Astara avtomobil yolunun Salyan şəhərindən keçən 57-ci km-də ağır yol-nəqliyyat hadisəsi baş verib. Avtosfer.az-ın virtualaz.org-a istinadən məlumatına görə, Bakı istiqamətində hərəkətdə olan 10-MP-867 dövlət nömrə nişanlı "Kamaz" markalı yük maşını qəfil idarəetməni itirərək Akquşa çayına düşüb. Yük maşını sudan çıxarılsa da, avtomaşında olan sürücü və sərnişin tapılmayıb. İlkin araşdırma nəticəsində məlum olub ki, qəzaya uğramış "Kamaz" Qobustan sakini tərəfindən idarə olunub.

Hazırda FHN əməkdaşları qəza zamanı suda batmış sürücü və sərnişinin axtarışlarına başlayıblar.

***

Axşam saatlarında Ələt-Astara magistral yolunda Salyanın PMK-9 adlanan ərazisindən keçən hissəsində Salyanda “KamAZ” markalı yük maşını çaya düşüb. “Report”xəbər verir ki, Qobustan sakini, 30 yaşlı Araz QaçayevBakı istiqamətində hərəkətdə olarkən qarşısına “VAZ-21015” markalı avtomobil çıxıb. “KamAZ”ın sürücüsü avtomobili vurmamağa cəhd göstərib. Bu zaman yük maşını yaxınlıqdakı Akkuşa çayına düşüb. Hadisə yerinə FHN, həmçinin hüquq-mühafizə orqanlarının əməkdaşları cəlb olunub. Yük maşını sudan çıxarılsa da sürücü və yanındakı Mahir adlı sərnişin tapılmayıb. Qobustandan 100 nəfərə yaxın qohumu hadisə yerinə gəlib. Akkuşa çayının bağlanmamasına etirazlarını bildiriblər. Hazırda çayın səviyyəsinin aşağı salınması istiqamətində tədbirlər görülür.