“Karl Vilson”u qorumaq üçün 249 metrlik gəmi göndərdi - Yaponiya

Koreya Yarımadasında təzyiqin yüksəldiyi bir vaxtda Yaponiya 1945-ci ildən sonra ilk dəfə tarixi addım atıb. Avtosfer.az axar.az-a istinadən xəbər verir ki, Yaponiyanın 249 metr uzunluğundakı ən böyük döyüş gəmisi regionda olan ABŞ təchizat gəmisini müşayiət etməyə göndərilib. BBC-nin məlumatına görə, 9 vertolyot daşımağa qadir olan “İzumo”ya “Karl Vinson” təyyarədaşıyan gəmisini qorumaq üçün tapşırıq verilib. Xatırladaq ki, Pxenyan rəhbərliyi CNN-ə açıqlamasında “Karl Vinson” və regionda olan digər döyüş gəmilərini, o cümlədən atom sualtı qayıqlarını batıracaqları haqda hədələyici sözlər deyib.