Keçmiş polis işçisi qonşusunu silahla qətlə yetirdi
Gündəm
14 Aprel 2017 17:34
Oxunub 2178
Ölən "Kamaz" sürücüsü olub, hadisə ağac əkmək üstündə baş verib
Qax rayonunda qətl hadisəsi baş verib. Avtosfer.az-n Report-a istinadən məlumatına görə, rayon sakini 1959-cu il təvəllüdlü Musayev Aydın Musa oğlu qətlə yetirilib. Hadisəni 1949-cu il təvəllüdlü, Hacıyev Nəbi Hacıislam oğlu odlu tüfəngdən istifadə etməklə törədib. Onların qonşu olduğu bildirilir. A.Musayev "Kamaz" sürücüsü olub, N.Hacıyev isə təqaüddə olan keçmiş polis işçisidir. Hadisə Aydın Məmmədov küçəsində, A.Musayevin yaşadığı evin qarşısında qeydə alınıb. Hadisə ağac əkmək üstündə baş verib. A.Musayev kiçik ərazidə ağac əkərkən N.Hacıyev həmin ərazinin ona aid olduğunu bildirib. Nəticədə mübahisə baş verib. Hacıyev Musayevi təklülə tüfənglə qətlə yetirib.
Hadisəni törədən şəxs saxlanılıb.
ŞƏRH YAZ
DİGƏR XƏBƏRLƏR
