Kəndin rayonla əlaqəsi kəsilib - FOTOLAR
Xəbər verdiyimiz kimi, bir neçə gün əvvəl Lerikdə güclü yağış selə səbəb olmuşdu. “Qafqazinfo”nun məlumatına görə, bu gün Təbrizli kəndinə gedən Mehdibəy Səfərov bu barədə sosial şəbəkədə yazıb: “Lerikə aprelin 16-da yağan, 3-4 saat çəkən leysan nəticəsində Lənkərançaya güclü sel gəlmiş və Lerik rayonunun Vizəzəmin ərazi vahidliyinin Peştatürk və Təbrizli kəndlərinin sosial infrastrukturuna güclü ziyan vurub. Ən güclü ziyan Təbrizli kəndinə dəyib. Belə ki, 35 il əvvəl çayın üstünə qoyulmuş dəmir konstruksiyalı körpünü sel daşqını dağıtmış və kənd əhalisinin rayonla əlaqəsi kəsilib. Daşqından 5 gün keçsə də, hələ də kəndin ətraf aləmlə əlaqəsi bərpa olunmayıb. Bu gün biz Təbrizli kəndinə yas mrəasiminə getmişdik. Çox acınacaqlı bir mənzərənin şahidi olduq. Yasa gedən insanlar öz maşınlarını KamAZ-a yükləyib çaydan keçirirdilər.
Lerik İcra Hakimiyyəti isə baş verən fəlakətin nəticələri ilə maraqlanmır".