Kişi avtomobil ilə şəhər ratuşasına çırpıldı

Almaniyanın Ferden şəhərində (Aşağı Saksoniya federal torpağı) 47 yaşlı kişi avtomobil ilə ratuşa binasına çırpılıb. Avtosfer.az "Report"a istinadən xəbər verir ki, bu barədə yerli polis məlumat yayıb. Nəticədə yanğın baş verib. Alov binanın birinci mərtəbəsindəki bir neçə otağı əhatə edib. Binaya dəyən maddi ziyan bir neçə yüz min avro məbləğində qiymətləndirilir. İnsident zamanı zərər çəkənin olmadığı qeyd edilir. Polis şübhəli şəxsi saxlayıb, terror aktı versiyası istisna olunur.