Kişi hündürlükdən maşının üzərinə düşüb

Bakıda sərxoş kişi hündürlükdən yıxılaraq avtomobilin üzərinə düşüb. Avtosfer.az "Report"a istinadən xəbər verir ki, hadisə Qaradağ rayonu, Lökbatan qəsəbəsində baş verib. "Meyvəli" ticarət mərkəzində 1979-cu il təvəllüdlü Şükürov Azad Sübhan oğlu hündür yerdən yıxılaraq "Mercedes" markalı avtomobilin üzərinə düşüb. O, müxtəlif bədən xəsarətləri alaraq xəstəxanaya yerləşdirilib. "Mercedes"ə ciddi ziyan dəyib. Xəsarət alan şəxs sərxoş vəziyyətində olub.