Kiyev-Bakı reysində həyacanlı anlar - Yüzlərlə azərbaycanlı yolda qaldı

Bu gün saat 00:33 radələrində Bakıya enməsi gözlənilən Ukrayna Hava Yollarına məxsus PS-601 saylı təyyarə sərnişinlər mindikdən sonra Kiyev aeroportundan havaya qalxan zaman texniki problemlə üzləşib. Avtosfer.az-ın diaspor.az-a istinadən verdiyi məlumata görə, təyyarə havaya qalxan zaman ön təkər yerə təkrar çırpılıb. Pilotların sayıqlığı nəticəsində təyyarə geriyə qaytarılaraq Kiyev Hava Limanında eniş edib. Məlumata görə, hazırda 260 azərbaycanlı sərnişin aeroportda yeni təyyarə gözləyirlər. 

Ukrayna Hava Yolları şirkətindən məsələ ilə bağlı heç bir açıqlama verilməyib.