Kiyevdə metronun hərəkəti dayandırıldı: Stansiyalar sığınacaq kimi istifadə olunacaq - VİDEO

Kiyevdə qırmızı metro xətti ilə hərəkətdə olan qatarların fəaliyyəti dayandırılıb.

Şəhər administrasiyasından bildirilib ki, bütün yeraltı stansiyalar sığınacaq kimi fəaliyyət göstərəcək.

Ukrayna mətbuatı yazır ki, Ukraynanın Lvov və Jitomir şəhərlərində elektrik enerjisi kəsilib.

Qeyd edək ki, bu gün səhər saatlarından etibarən Kiyevin mərkəzi Rusiya ordusu tərəfindən bombardmana məruz qalıb.

Fövqəladə Hallar üzrə Ukrayna Dövlət Xidməti hadisə zamanı ölənlərin və yaralananların olduğunu açıqlayıb.

09:51

Rusiya qoşunları bu dəqiqələrdə Ukraynanın paytaxtını ağır raket atəşinə məruz qoyurlar. 

Məlumatı Kiyev şəhərinin meri Vitali Kliçko da təsdiq edib.

Lakin Kliçko hələlik dağıntılar və xəsarət alanlar barədə məlumata malik olmadıqlarını bildirib.

Mənbə: Unian