Kondisioner üstündə taksi sürücüsü ilə sərnişin arasında mübahisə düşdü - VİDEO

Bakıda taksi sürücüsü ilə sərnişin arasında mübahisə yaşanıb. Avtosfer.az xəbər verir ki, hadisə, sərnişinin “ekonom” tarifli taksi sifariş etməsi ilə başlayıb. 
Videodan da göründüyü kimi, xanım sərnişin avtomobilə əyləşdikdən sonra sürücüdən kondisioneri qoşmasını tələb edib. Sürücü isə sərnişinə bildirib ki, “ekonom” tarifli sifarişdə belə xidmət nəzərdə tutulmur və kondisioner istəyənlər “komfort” və ya daha yüksək xidmət seçməlidirlər. Bu səbəbdən tərəflər arasında mübahisə yaranıb.

Gərginləşən dialoq zamanı sürücü sərnişinə “niyə özünüzü bizdən üstün hesab edirsiniz?” sualını ünvanlayıb. Sərnişin isə sürücünü təhqir edərək “çünki səndən üstünük, sən sürücüsən, imkanın olsa taksi işləməzdin, utanmalısan” sözlərini işlədib.
İnsident sosial şəbəkələrdə müzakirələrə səbəb olub.

Fidan