"Koroğlu" Nəqliyyat Mübadilə Mərkəzi yenə əvvəlki ünvana qaytarıldı - FOTO

Bu gün səhər saatlarından etibarən "Koroğlu" Nəqliyyat Mübadilə Mərkəzi (NMM) əvvəlki ünvanda sərnişinlərə xidmət göstərilir. Lakin NMM xidmətlərini bu dəfə yeni tərtibatda təqdim edir. BNA-dan Avtosfer.az-a verilən məlumata görə, köçürülmə ilə əlaqədar olaraq BNA ərazidə hərəkətin təhlükəsizliyi baxımından önəmli olan vacib tədbirlərin icrasını həyata keçirib. Nəqliyyat Mübadilə Mərkəzinin perronlarına daxil olacaq avtobusların sürətini azaldan xüsusi maneələr quraşdırılıb. Marşrutlar üzrə avtobusların hansı dayanacağa daxil olması ilə bağlı məlumat löhvələri qoyulub. Həmçinin, dayanacaq pavilyonlarının üzərinə də bununla bağlı məlumatlar qeyd edilib.