Körpünün üzərinə quraşdırılmış bəzəkləri oğurlayan şəxslər tutulub

Bakıda körpünün üzərinə quraşdırılmış dəmir bəzəkləri  oğurlayan şəxslər saxlanılıb. Avtosfer.az-ın DİN-in saytına istinadən verdiyi məlumata görə, Nəsimi rayon 20-ci PB əməkdaşlarının keçirdikləri əməliyyat tədbirləri nəticəsində mayın 18-də A.Mustafayev küçəsindəki körpünün üzərinə quraşdırılan dəmir metaldan olan bəzəkləri oğurlamaqda şübhəli bilinən Bakı şəhər sakinləri Rəfayel İmaməliyev, Aqil Ağayev, əvvəllər məhkum olunmuşlar - Elçin Məmmədrzayev və Adil Əhmədov tutulublar. Faktla bağlı araşdırma aparılır.