Kosmosda tarixin ən böyük yanğını baş verdi

NASA mütəxəssisləri yerətrafı orbitdə kosmonavtika tarixinin ən böyük yanğınını törədiblər. Alimlər elmi araşdırmalar naminə çəkisizlik şəraitində yanğın törədib və Beynəlxalq Kosmik Stansiya tərəfindən göndərilmiş "Cygnus" yük gəmisini yandırıblar.

Avtosfer.az ans press-ə istinadən məlumatına görə, "Saffire-1" adı verilən qeyri-adi kosmik təcrübə NASA mühəndisləri tərəfindən həyata keçirilib. Yanğın uğurla başa çatıb və ən yüksək yanma temperaturu əldə edilib. Yanan "Cygnus" gəmisi isə tam yanıb qurtarana qədər 3 km məsafə qət edib.

"Saffire-1" təcrübəsi kosmosda yanğının öyrənilməsi üçün çox vacib hesab edilir. Alimlər hesab edir ki, kosmosda yanğınların öyrənilməsi mühəndislərə kosmosda effektiv yanğın söndürən sistem istehsal etməyə kömək edəcək. Bu da öz növbəsində Mars və digər planetlərə göndərilən insanların həyatı üçün çox vacib hesab olunur.

Kosmonavtika tarixində daha əvvəl ən böyük yanğın "Mir" stansiyasında 1997-ci ilin fevralında törədilib. Yanğın regenarasiya edən atmosferdə oksigen kürələrinin nasazlığı nəticəsində yaranıb. O zaman stansiyada olan 6 beynəlxalq ekipaj üzvünün hər biri müvəffəqiyyətlə xilas edilib.