Kranın aşması işi üzrə məhkəmə prosesi başlayıb - Məkkədə

Səudiyyə Ərəbistanının qərbində yerləşən Ciddə şəhərinin İntizam məhkəməsində Məkkədəki "Məscidül-Həram"da kranın aşması ilə bağlı iş üzrə məhkəmə prosesi başlayıb.

Avtosfer.az ria novosti-yə istinadən xəbər verir ki, məhkəmə qarşısına 14 nəfər çıxıb.

Onlar arasında 6 səudiyyəli (o cümlədən milyarder), 2 pakistanlı, həmçinin İordaniya, Filippin, Kanada, Fələstin, Misir və BƏƏ-nin 1 vətəndaşı var.

Məhkəmə müttəhimlərə sərt xəbərdarlıq edərək, onların bütün məhkəmə iclaslarında iştirak etmələrini zəruri sayıb. 

Xatırladaq ki, ötən il sentyabrın 11-də kranın aşması nəticəsində 109 nəfər həlak olmuş, 230-dan çox adam isə yaralanmışdı. Kral sarayı kranın aşmasına güclü küləyin səbəb olduğunu təsdiq edib.