Küveyt aviaşirkəti Bakıya birbaşa uçuşlar həyata keçirəcək

Küveytin “Jazeera Airways” aviaşirkəti iyunun 23-dən etibarən Bakıya birbaşa uçuşlar həyata keçirəcək. Avtosfer.az-ın Trend-ə istinadən məlumatına görə, reyslər həftədə 2 dəfə - bazar ertəsi və cümə günləri həyata keçiriləcək. Bundan başqa, Küveyt vətəndaşları üçün Azərbaycana viza almaq prosedurları sadələşdirilib. Bu ölkənin vətəndaşları ASAN Visa sistemi vasitəsilə onlayn rejimdə 3 gün ərzində viza ala bilər. Qeyd edək ki, “Jazeera Airways” 2004-cü ildə yaradılıb və il ərzində 16 istiqamət üzrə 1,25 milyona yaxın sərnişinə xidmət göstərir.