Las-Veqasda naməlum şəxs avtobusda atəş açıb

Amerikanın Las-Veqas şəhərində naməlum şəxsin avtobusda atəş açması nəticəsində azı 1 nəfər ölüb, daha 1 nəfər yaralanıb. “Report” xəbər verir ki, bu barədə yerli polis Lerri Hedfildə istinadən “Las Vegas Sun” nəşri məlumat yayıb. Nəşrin məlumatına görə, hadisə şənbə günü 21.45 radələrində məşhur Las-Veqas-Strip bulvarında baş verib. Ərazi polis tərəfindən mühasirəyə alınıb. "Atışma avtobusda baş verib. İnsident nəticəsində iki nəfər zərər çəkib. Onların hər ikisi tibb məntəqəsinə çatdırılıb, lakin biri ölüb", — deyə Hedfild bildirib.