Lənkəran-Lerik yolu nəzarət altında saxlanılır - "Azəravtoyol"

Lənkəran-Lerik yolundakı son durum açıqlanıb. Avtosfer.az-ın "Azəravtoyol" ASC-yə stinadən məlumatına görə, Lerik rayonunda sel sularının yaranması və sürüşmənin aktivləşməsi nəticəsində Lənkəran-Lerik avtomobil yolunun bir neçə nöqtəsində dağ yamaclarından yolun hərəkət hissəsinə qaya parçaları, palçıq və ağac tökülüb, avtonəqliyyat vasitələrinin hərəkətində problemlər yaranıb.  Əraziyə dərhal "Azəravtoyol" ASC-nin əməkdaşları və ağır texnikası cəlb olunub. Qısa müddət ərzində yolun hərəkət hissəsi qaya, palçıq və ağac qalıqlarından təmizlənərək avtonəqliyyat vasitələrinin normal hərəkəti təmin olunub.

Hazırda yol nəzarət altında saxlanılır.

Emin