Lənkəran-Lerik yolunda sürüşmə aktivləşib - FOTO

Gecə saatlarından başlayaraq Lerik rayonunda hava şəraiti stabilləşib. Avtosfer.az apa-ya istinadən xəbər verir ki, rayonun ayrı-ayrı ərazilərində yağan qar fasilələrlə yağış və sulu qarla əvəzlənib. Kəskin hava şəraiti Lənkəran-Lerik şose yolunda sürüşmə prosesinin yenidən aktivləşməsinə səbəb olub. Dağlıq ərazilərdən yola tökülən torpaq qatı, çınqıl və qaya parçaları nəqliyyat vasitələrinin hərəkətinə mane olur. 43 saylı Lerik Rayon Yol İstismar Sahəsinin ağır texnikası və qəza briqadası şose yolunda bu problemi aradan qaldırmaq üçün fəaliyyətə başlayıb.

Ekologiya və Təbii Sərvətlər Nazirliyinin Lənkəran Regional Hidrometeoroloji Müəssisəsinin direktoru Cavid Hüseynovun sözlərinə görə, bölgədə yağıntılı hava şəraiti oktyabrın 20-dək davam edəcək.