Lənkərandan gətirilərkən qaçan məhbuslara üst-üstə 38 ilədək cəza istənilib

Bakıda Əli Ağami və Etibar Məmmədov adlı məhbusların qatardan qaçması ilə bağlı bəzi təfərrüat məlum olub. Avtosfer.az “Report”a istinadən xəbər verir ki, qəsdən adam öldürmədə təqsirləndirilən Ə.Ağami və E.Məmmədovun cinayət işinə Lənkəran Ağır Cinayətlər Məhkəməsində baxılır. Ötən həftə dövlət ittihamçısı onların hər birinin ayrı-ayrılıqda 19 il müddətə azadlıqdan məhrum edilməsini istəyib. Hər iki şəxs oktyabrın 22-də gecə Lənkərandan Bakıya qatarla gətirilib. Oktyabrın 23-də səhər saatlarında Biləcəri stansiyasında E.Məmmədovla Ə.Ağami qatardan düşürülən zaman qaçıblar. Hadisə zamanı onları Penitensiar Xidməti əməkdaşları müşayiət edib. Təqsidləndirilən şəxslər Bakı İstintaq Təcridxanasına aparılımış. Kriminal aləmdə tanınan E.Ağaminin hazırda həbsdə olan “Lotu Quli”yə yaxın şəxslərdən olduğu bildirilir.