Liviyaya məxsus sərnişin təyyarəsi qaçırılıb

Liviyaya məxsus sərnişin təyyarəsi qaçırılaraq Maltada eniş edib. Avtosfer.az trend-ə istinadən xəbər verir ki, bu barədə Malta baş naziri açıqlama verib.

Verilən məlumatlara görə, Liviyaya məxsus sərnişin təyyarəsi iki silahlı tərəfindən qaçırılıb. Təyyarədə 118 nəfərin olduğu deyilir.

Hələlik silahlıların tələbinin nə olduğu məlum deyil. Onlar təyyarəni partlatmaqla hədələyir.

Maltanın təhlükəsizlik qüvvələri hadisə ilə bağlı hazır vəziyyətə gətirilib.