“Lotu Quli”nin həbsxanadakı sonuncu - FOTOSU

Xəbər verdiyimiz kimi, uzun müddətdir həbsdə yatan kriminal avtoritet, “Lotu Quli” ləqəbli Nadir Səlifov azadlığa buraxılıb. “Qafqazinfo”nun məlumatına görə, artıq sosial şəbəkələrdə avtoritetin həbsxanada olarkən çəkilmiş sonuncu şəkli yayılıb. Fotoda başdan ayağa qaraya bürünən “Lotu Quli”nin qara eynək və papaq da taxdığı görünür.

Qeyd edək ki, N.Səlifovun hazırda Gürcüstanda olduğuna dair məlumat yayılıb.

***

Bakıdakı 8 saylı xüsusi rejimli cəzaçəkmə müəssisəsində (CM) saxlanılan və “Lotu Quli” kimi tanınan Nadir Səlifov məntəqə tipli cəzaçəkmə müəssisəsinə keçirilib. Bu barədə “Report”a hüquq-mühafizə orqanlarından məlumat verilib. Belə ki, N.Səlifov 8 saylı CM-in rəisinin adına ərizə ilə müraciət edərək məntəqə tipli cəzaçəkmə müəssisəsinə keçirilməsini xahiş edib. Rəis onun istəyini təmin edib.