Magistral yolların kənarındakı 374 qurumuş ağac kəsiləcək

Şimal bölgəsində magistral yolların kənarlarında yerləşən qurumuş və yol hərəkətinə maneə yaradan ağaclar kəsiləcək. Avtosfer.az-ın APA-ya isitnadən məlumatına görə, bununla bağlı Ekologiya və Təbii Sərvətlər Nazirliyinin ekspertiza idarəsi tərəfindən müvafiq rəy verilib. Bu tip ağaclar artıq nömrələnib. Bakı-Quba yolunun Şabran və Quba rayonları ərazisinə düşən hissəsində qurumuş və budanma üçün 402 ağac müəyyənləşdirilib. Bu ağaclardan 140-ı quruduğuna görə kəsiləcək, qalanlarında isə müvafiq budama işləri aparılacaq. Gəndob-Yalama yolunda isə 59 ağacın kəsilməsi, 261 ağacda budama işlərinin aparılması nəzərdə tutulub.

Quba-Xaçmaz yolunda 382 ağacdan 156-sı tam quruduğuna görə kəsiləcək, yerdə qalanlarında budama aparılacaq. Quba-Qəçrəş yolunda 20 ağacda budama, Quba-Qusar yolunda isə 22 ağacda budama işləri aparılacaq. Quba-Qusar yolunda 19 ağacın tam quruduğuna görə kəsilməsi barədə rəy verilib. Yaxın günlərdə həmin ağacların kəsilməsi prosesinə start veriləcək.