Malayziyanın təyyarəsi geri qayıtdı - Səbəb?

Malayziyanın “AirAsia” şirkətinə məxsus, Avstraliyanın Pert şəhərindən İndoneziyanın Denpasar şəhərinə uçuş həyata keçirən təyyarə hermetikliyin pozulması təhlükəsi ilə geri qayıdıb. Avtosfer.az-ın Trend-ə istinadən məlumatına görə, təyyarə havaya qalxdıqdan 25 dəqiqə sonra göyərtədə hermetikliyin pozulması barədə siqnal işə düşüb. Təyyarə eniş etdikdən sonra aparılan araşdırmalar siqnalın hansı səbəbdən işə düşdüyünü müəyyən edə bilməyib. Hadisə zamanı təyyarədə 151 sərnişin olub. Onlardan heç kim xəsarət almayıb.