Marketdə istehlaka yararsız məhsullar aşkarlanıb - FOTOLAR

Azərbaycan Qida Təhlükəsizliyi Agentliyinin əməkdaşları tərəfindən daxil olan müraciət əsasında Yevlax rayonunun Aşağı Bucaq kəndində fəaliyyət göstərən, fiziki şəxs Kərim Şubay oğlu Bədəlova məxsus “Kərim” marketdə yoxlama keçirilib. Agentliyin İnformasiya təminatı və innovativ həllər şöbəsindən Avtosfer.az-a verilən məlumata görə, yoxlama zamanı müraciətdə göstərilən fakt təsdiqini tapıb və marketdə istifadə müddəti bitmiş müxtəlif əmtəə nişanlı qida məhsullarının satışa çıxarıldığı məlum olub.

Faktla bağlı fiziki şəxs barəsində inzibati protokol tərtib edilərək məsuliyyətə cəlb olunub, istehlaka yararsız məhsulların satışının qadağan edilməsi, dövriyyədən çıxarılması və məhv edilməsi barədə qərar qəbul olunub.